Дэлхий нийтийг хамарсан шинэ төрлийн вирусийн халдвар эрчимтэй тархаж, халдвар авсан, нас барсан хүний тоо улам бүр өсөн нэмэгдэж манай улсад Ковид 19 цар тахлын голомт шинээр үүссэн хүнд сорилт бэрхшээл бидний өмнө тулгараад байна.
ҮБХИС-ийн хамт олон цар тахал, томуу, томуу төст өвчний дэгдэлтийн энэ үед өндөржүүлсэн бэлэн байдалд ажиллаж, халдвар хамгаалалтыг дээд зэргээр сахин хамгаалж, урьдчилан сэргийлэн өдөр тутмын үйл ажиллагаагаа явуулж байна.
УОК-ийн шийдвэрээр гамшгаас хамгаалах бүх нийтийн бэлэн байдлын зэрэгт шилжсэн энэ үед МУИС, МУБИС, ШУТИС, ХУИС, АШУҮИС зэрэг их, дээд сургуулиудын оюутны дотуур байранд ҮБХИС-иас хөл хорионд орсон болон бүтэн өнчин сонсогч, сурагч, оюутнууддаа хүнс, эм, хамгаалах хэрэгслээр 2020 оны 11 дүгээр сарын 18-ны өдөр сэтгэлийн дэмжлэг үзүүллээ.
ҮБХИС-ийн сонсогч, оюутан, сурагчид та бүхнийг хорио цээрийн дэглэмийн үед өндөр сахилга баттай, цэргийн сургуулийн суралцагчийн сэтгэлийн хат, тэсвэр тэвчээр, мэргэжлийн онцлог, ур чадвараа Монголын ард түмэн, нийт оюутан залуучуудад үлгэрлэн, нэг нэгэндээ сэтгэлийн дэмтэй байж энэхүү аюулт цар тахлыг цог золбоо, хийморьтойгоор эрүүл энх, эсэн мэнд, элэг бүтэн даван туулах их үйл хэрэгт манлайлах, цагийг үр бүтээлтэй өнгөрүүлэх, цахим сургалтдаа идэвхтэй оролцохыг уриалж байна.
Та бүхэндээ сурлагын өндөр амжилт, эрүүл энх, сайн сайхныг хүсэн ерөөе
ҮБХИС
Хөдөлгөөн эхлэхэд бэлэн болж үүрэг даалгавар өгөв.
ГДС-ийн оюутны байр
ХТДС-ийн оюутны байр
ХУИС-ийн оюутны байр
МУБИС-ийн оюутны байр