ТҮҮХЭН ЗАМНАЛ
БНМАУ-ын Сайд нарын Зөвлөлийн 1978 оны 05 дугаар сарын 20-ны өдрийн 139 дүгээр тогтоолоор Цэргийн дээд сургуулийн дэргэд "Команд штабын дээд курс"-ийг байгуулсанаар тус академийн түүхэн замнал эхэлсэн түүхтэй.
- 1982 онд Батлан хамгаалах яамны сайдын тушаалаар "Команд штабын факультет";
- 1990 онд Цэргийн Их Сургуулийн Эрдмийн зөвлөлийн шийдвэрээр "Удирдлагын Академи";
- 1993 онд Батлан хамгаалахын сайдын тушаалаар Цэргийн Их Сургуулийн бүрэлдэхүүн "Цэргийн удирдлагын академи";
- 1996 онд Батлан хамгаалахын Их Сургуулийн "Цэргийн удирдлагын академи" болгон тус тус зохион байгуулжээ.
- 1999 оноос Батлан хамгаалахын сайдын тушаалаар "Батлан хамгаалахын удирдлагын академи" хэмээн нэрлэгдэж ирсэн.
ҮЙЛ АЖИЛЛАГААНЫ ТЭРГҮҮЛЭХ ЧИГЛЭЛ
Стратеги, оперативын түвшний удирдах ажилтан бэлтгэх, давтан сургах, мэргэжил дээшлүүлэх
Цэргийн шинжлэх ухаан, аюулгүй байдлын чиглэлээр магистр, докторын сургалт явуулах
Төрийн цэргийн болон үндэсний аюулгүй байдлыг хангах тусгайлсан чиг үүрэг бүхий байгууллагуудын захиалгат болон суурь судалгааны ажил гүйцэтгэх, зөвлөмж боловсруулах
СУРГАЛТЫН МАТЕРИАЛЛАГ БААЗ
БХУА нь орчин үеийн дэвшилтэт техник, тенологиор бүрэн тоноглогдсон лекц, семинарын танхим, оперативын болон тактикийн түвшний команд штабын хөдөлгөөнт сургалтын байр, дасгалын танхим, компьютерийн лаборатори, номын сан, нууцын анги бүхий "Сургалтын цогцолбор" юм.
ЭРДЭМ ШИНЖИЛГЭЭ
Тус академийн эрдэмтэн багш нар БХЯ, ЗХЖШ, Хил хамгаалах ерөнхий газар, Дотоодын цэргийн штаб, Онцгой байдлын ерөнхий газар, Шүүхийн шийдвэр гүйцэтгэх ерөнхий газрын захиалгаар эрдэм шинжилгээ, судалгааны ажлыг гүйцэтгэж, үр дүнг сургалт, дадлагад нэвтрүүлж байна.
Жил бүр уламжлал болгон зохион байгуулдаг эрдэм шинжилгээний хурал, хэлэлцүүлгүүд нь батлан хамгаалах, аюулгүй байдлын салбарын тулгамдсан асуудлыг шийдвэрлэхэд чухал хувь нэмэр оруулдаг.
СУРГАЛТЫН ҮЙЛ АЖИЛЛАГАА
- "Аюулгүй байдал, батлан хамгаалах судлал", "Цэргийн урлаг, цэргийн түүх судлал" чиглэлээр магистр, доктор-ын сургалт
- "Стратеги-судалгаа"-ны дээд дамжаа
- "Аюулгүй байдлын дамжаа"
- "Цэргийн сургалт бэлтгэл" бүлгийн мэргэшүүлэх дамжаанууд