Монгол Улсын ууган их сургууль, цэргийн боловсролын түүчээ болсон Үндэсний Батлан Хамгаалахын Их Сургуулийн цахим хуудсанд зочилж буй танд энэ өдрийн мэндийг дэвшүүлье.
Манай сургууль нь зуун дамжсан түүхэн замналдаа эх орныхоо тусгаар тогтнол, аюулгүй байдлыг батлан хамгаалах үйлсэд үнэнчээр зүтгэх мянга мянган офицер, ахлагч, цэргийн мэргэжилтнүүдийг бэлтгэн гаргасан бахархалт түүхтэй билээ. Бид өнөөдөр даяаршсан нийгэм, мэдээллийн технологийн эрин үед “Судалгаанд суурилсан их сургууль” болох зорилгыг өмнөө тавин ажиллаж байна.
Орчин үеийн зэвсэгт хүчний хөгжлийн чиг хандлага, бүс нутгийн аюулгүй байдлын орчинтой уялдуулан сургалтын агуулга, арга зүйг тасралтгүй шинэчилж, дэлхийн жишигт нийцсэн цэргийн боловсролыг олгох нь бидний эрхэм зорилго юм. Та манай цахим хуудсаар дамжуулан сургуулийн түүхэн замнал, сургалтын үйл ажиллагаа, эрдэм шинжилгээний бүтээлүүд болон гадаад хамтын ажиллагааны талаарх дэлгэрэнгүй мэдээллийг авах боломжтой.
Эх орныхоо төлөөх ариун үйлсэд хамтдаа зүтгэцгээе.
