Зэвсэгт хүчний нэгтгэл, анги, байгууллагад шаардлагатай мэргэшсэн хүний нөөц бүрдүүлэхэд дэмжлэг үзүүлэх зорилгоор “Соёл хүмүүжлийн офицер, Цэргийн сэтгэл зүйч”-ийг мэргэшүүлэх сургалтыг ҮБХИС-ийн Батлан хамгаалахын удирдлагын академийн материаллаг баазыг түшиглэн эхлүүллээ.
Тус сургалтад хамрагдсанаар цэргийн алба хаагчдын ажил, албаны гүйцэтгэл, чанар, үр дүнд соён гэгээрүүлэх ажлын үзүүлэх нөлөө, сэтгэл зүйн хүчин зүйлийн олон талт байдалд судалгаа хийж зөвлөмж боловсруулах, хэрэгжилтийг төлөвлөх, зохион байгуулах, үнэлгээ хийж сайжруулахад бүх шатны захирагч, дарга нарт дэмжлэг үзүүлэх мэдлэг, чадвар эзэмших юм.
