Батлан хамгаалахын удирдлагын академид суралцагчдыг ном уншихад сэдэлжүүлэх, дадал суулгах замаар тэдний мэдлэгийн хүрээг тэлэх, бусадтай мэдээлэл солилцох, улмаар сурах арга барил, сурлагын амжилтыг дэмжих зорилгоор тус академийн оператив-тактикийн төвөөс “Мэдлэг бүтээгч” номын клубыг ажиллуулж эхлээд байна.
Клубын үндсэн үйл ажиллагаа нь уншсан номын тухай ярилцлага зохиох, номын тэмдэглэл бичих, хувь хүний хөгжлийн сургалт болон номын баярын арга хэмжээг зохион байгуулах зэрэг хэлбэрүүдээр явагдах юм.
Клубын анхны ярилцлагыг 2023 оны ажлын эхний өдөр зохион байгуулж, гишүүд өөрсдийн уншсан номын талаар бусадтайгаа мэдээлэл солилцлоо.
Клубын үйл ажиллагаа жигдрэх хүртэл үндсэн арга хэмжээнүүд БХУА-ийн үндсэн болон бусад дамжааны суралцагчдын хүрээнд явагдах ба цаашид ҮБХИС-ийн бусад бүрэлдэхүүн сургуулиуд болон ДХИС-иас хүсэлт гаргасан уншигчийг гишүүнээр элсүүлэх нь нээлттэй байна.
Гишүүдийн дунд уншсан номын талаарх ярилцагыг сард 2 удаа зохион байгуулах юм.
БАТЛАН ХАМГААЛАХЫН УДИРДЛАГЫН АКАДЕМИ
