Батлан хамгаалахын сайдын тушаалын дагуу ҮБХИС-ийн ЦНДС-ийн Агаарын цэргийн тэнхимийг түшиглэн зохион байгуулсан “Онгоц нисдэг тэрэг хөдөлгүүрийн механикч”, “РЛС-ын оператор, планшетчин” мэргэшүүлэх дамжааны төгсөлтийн арга хэмжээ боллоо.
Тус арга хэмжээнд Агаарын цэргийн командлалын Хүний нөөцийн хэлтсийн дарга хурандаа Н.Гантулга, Агаарын цэргийн ахлагч тэргүүн ахлагч Н.Баттөмөр, ҮБХИС-ийн Сургалтын хэлтсийн дарга хурандаа Д.Энх-Амгалан, ЦНДС-ийн захирал дэд хурандаа А.Төгс-Эрдэнэ, ЦНДС-ийн Агаарын цэргийн тэнхимийн дарга хурандаа Б.Батмөнх, Тус тэнхимийн багш нар болон төгсөгч нар оролцож, ҮБХИС-ийн ЦНДС-ийн захирал дэд хурандаа А.Төгс-Эрдэнэ “Онгоц нисдэг тэрэг хөдөлгүүрийн механикч”, “РЛС-ын оператор, планшетчин” мэргэшүүлэх дамжааны төгсөлтийн арга хэмжээг нээлээ.
Мөн ҮБХИС-ийн захирлын “Дамжаа төгсөж, гэрчилгээ олгох тухай” тушаалыг уншиж танилцуулан, төгсөгчдөд гэрчилгээ гардуулсан юм.
“Онгоц нисдэг тэрэг хөдөлгүүрийн механикч”, “РЛС-ын оператор, планшетчин” мэргэшүүлэх дамжааны төгсөлтийн арга хэмжээг ҮБХИС-ийн Сургалтын хэлтсийн дарга хурандаа Д.Энх-Амгалан нийт төгсөж буй төгсөгч нарт баяр хүргэж, төгсөлтийн арга хэмжээг хаалаа.
