“Шинжлэх ухаан технологийн түүчээ шинэ мянганы иргэн, ҮБХИС-ийн бахархал байх” хэмээн үнэт зүйлээ тодорхойлсон физик, матетик суурьтай мэргэжлийн хөтөлбөрийн багш, суралцагчдаас бүрдэх Аравт баг 2024-2025 оны хичээлийн жилийн зорилго, зорилтоо танилцуулан намрын нээлтээ хийж, эрдэм шинжилгээ, судалгаа, инновацын ажилдаа шуурхайлан орлоо.
Нээлтийн ажиллагаанд ҮБХИС-ийн захирлын ажлыг түр орлон гүйцэтгэгч бригадын генерал С.Дашзэвэг, эрдэм шинжилгээний хамтын ажиллагаа хариуцсан дэд захирал доктор(Sc.D), профессор, хурандаа Б.Өлзийхуяг, хэлтэс, харьяаллын сургууль, тэнхим, төвийн дарга нар оролцож нийт багш, суралцагчдад амжилт хүслээ.
Мөн Аравт багийн гишүүд 2023-2024 оны хичээлийн жилийн эрдэм шинжилгээ, судалгааны ажлын үр дүн, мэргэжлийн тэмцээнүүдэд үзүүлсэн амжилтаар бүтээлийн үзэсгэлэн гаргалаа.
Аравт баг нь тус хичээлийн жилд “ABU-ROBOCON 2025” Үндэсний роботын тэмцээн, “КАНСАТ-2025” Үндэсний VIII уралдаан, Автомат роботын тэмцээн зэрэг технологийн тэмцээнүүд болон инновацын төслүүдэд эрдэм шинжилгээний дадлагажигчаар хамрагдана. Та бүхнийхээ эрдэм судлал, зохион бүтээх, технологи, инновацын ажилд өндөр амжилт хүсье.
