ҮБХИС-ийн Сургалтын хэлтэс, Мэдээлэл сурталчилгаа, соёл, хүмүүжлийн хэлтэс, Төв номын сан, “Сонсогч, сурагч, оюутны холбоо” хамтран 2025-2026 оны хичээлийн жилд Цэргийн нэгдсэн дээд сургууль, Цэргийн хөгжмийн политехникийн коллежид шинээр элссэн сонсогч, сурагчдад “Чиглүүлэх сургалт”-ыг 2025 оны 09 дүгээр сарын 04, 05-ны өдрүүдэд явууллаа. Сургуулийн түүхэн замнал, бүтэц, зохион байгуулалтын талаар Мэдээлэл сурталчилгаа, соёл, хүмүүжлийн хэлтсийн дарга, дэд хурандаа О.Ичинноров, “ҮБХИС-ийн бакалаврын сургалтын журам”-ын тухай бакалаврын хөтөлбөр, сургалт хариуцсан мэргэжилтэн, хошууч Т.Дамдинсүрэн, “Сонсогч, сурагч, оюутны холбоо”-ны үйл ажиллагааны тухай танилцуулгыг ССОХ-ны тэргүүлэх гишүүн С.Намуунцэцэг нар хийж, сургалттай холбоотой зөвлөмжүүдийг өгөв.