Аюулгүй байдал, батлан хамгаалах судлал, цэргийн шинжлэх ухааныг хөгжүүлэхэд чиглэсэн, орчин үеийн дэвшилтэд технологи, инновац, хиймэл оюунд суурилсан бүтээлийг сонгон шалгаруулж, тэдгээрийг цэргийн хэрэгт нэвтрүүлэх, сургалт, судалгааны эргэлтэд оруулах зорилгоор “Батлан хамгаалахын сайдын нэрэмжит 2025 оны Шинжлэх ухаан, технологи, инновацын шилдэг бүтээлийн шалгаруулалт”-ыг эрдэм шинжилгээ, сургалтын байгууллага, нийт эрдэмтэн, судлаач, зохион бүтээгчдийн дунд нээлттэйгээр зарлаж байна.
Шалгаруулалтад батлан хамгаалах салбар, бусад эрдэм шинжилгээ, сургалтын байгууллага, аж ахуйн нэгж, эрдэмтэн, судлаачид, хувь хүмүүс сүүлийн 3 жилийн дотор туурвисан (зохион бүтээсэн) бүтээлээр өрсөлдөх боломжтой бөгөөд шалгаруулах журмын 2.2-т заасан тавигдах шаардлагыг хангасан бүтээлийг тус журмын 3.2-т заасан холбогдох материалын хамт бүрдүүлэн 2025 оны 09 дүгээр сарын 15-ны дотор албан бичгээр болон цахим хэлбэрээр яамны Шинжлэх ухаан, технологи, инновацын зөвлөлд ирүүлнэ. Батлан хамгаалахын сайдын нэрэмжит шилдэг бүтээлийн шалгаруулалтыг шинэчлэн батлагдсан журмын 1.2-т заасан 3 чиглэл, 8 төрлөөр 2025 оны 09, 10 дугаар саруудад 2 үе шаттайгаар зохион байгуулна.I шатны шалгаруулалтыг шилдэг бүтээл шалгаруулах журмын 4.1.1-т заасан салбар зөвлөлүүд зохион байгуулах бөгөөд Зэвсэгт хүчнээс оролцуулах бүтээлүүдийг Зэвсэгт хүчний Жанжин штабын Шинжлэх ухаан, технологийн салбар зөвлөл шалгаруулж, шалгарсан бүтээлүүдийг холбогдох материалын хамт салбар зөвлөлүүдэд хүргүүлсэн байна.
II шатны шалгаруулалтыг яамны Шинжлэх ухаан, технологи, инновацын зөвлөл 2025 оны 10 дугаар сард багтаан зохион байгуулна.
Шилдэг бүтээлийн шалгаруулалтын чиглэл (төрөл) тус бүрээр “Тэргүүн”, “Дэд”, “Гутгаар” байр шалгаруулж, өргөмжлөл, мөнгөн шагналаар шагнана.Иймд эрдэмтэн, залуу судлагч, зохион бүтээгч, шинийг санаачлагч Та бүхнийг “Батлан хамгаалахын сайдын нэрэмжит 2025 оны шинжлэх ухаан, технологи, инновацын шилдэг бүтээлийн шалгаруулалт”-д урьж байна.
Цахим хаяг batbayar.b@mod.gov.mn
Утас: 88029370; 51-263202
БАТЛАН ХАМГААЛАХ ЯАМНЫ ШИНЖЛЭХ УХААН, ТЕХНОЛОГИ, ИННОВАЦЫН ЗӨВЛӨЛ
